Koda fekk herfyri Anna Lidell sum nýggjan forpersón. Hon tekur við eftir Niels Rønsholdt.
Á einum nevndarfundi í Koda tann 23. mei bleiv tónaskaldið Anna Lidell vald sum nýggi forpersónurin í Koda. Hun tekur við eftir Niels Rønsholdt, sum takkaði av á seinasta ársaðalfundinum í apríl.
Anna Lidell hevur verið í nevndini í Koda sum næstforpersónur síðan 2019. 35-ára gamla Anna Lidell er tónaskald, sangskrivari, tónleikari, framleiðari og er harumframt eisini forpersónur í danska felagnum fyri tónaskøld, Autor.
“Eg takki fyri álitið og síggi fram til at lyfta ta stóru ábyrgdina, tað er at standa á odda fyri fyri einum limafelagsskapi við gott 49.000 limum. Sum forpersónur fari eg at virka fyri, at røddin hjá Koda gerst meira sjónlig í kjakinum, soleiðis at rættindi gerast nakað, vit øll kunnu fyrihalda okkum til. Tónleikur er ein týðandi partur av gerandisdegnum hjá okkum øllum. Uttan tey, ið skapa tónleikin og breiða hann út, er eingin tónleikur. Koda er eftir mínum tykki ein av bestu rættindafelagsskapunum í heiminum, ið ganga á odda í altjóða samstarvinum um at menna framtíðar rættindaumsitingina. Tað krevur tætt altjóða samband og eg gleði meg at fara í holt við hetta arbeiðið,” sigur Anna Lidell.
Umframt Annu Lidell vóru stjórin í tónleikaforlagnum Edition Wilhelm Hansen, Loui Törnqvist og forpersónur í Danske Populær Autorer, Tobias Stenkjær, eisini vald sum næstforpersónar í nevndini í Koda.
Nevndin í Koda:
- Anna Lidell (forpersónur, og forpersónur í Autor)
- Tobias Stenkjær (næstforpersónur, forpersónur í DPA)
- Loui Törnqvist (næstforpersónur, umboðar forløg)
- Ole Dreyer (nevndarleiðari í Musikforlæggerne)
- Juliana Hodkinson (forkvinna í DKF)
- Søren Winding (umboðar forløg)
- Nanna Jacobi (umboðar tónaskøld)
- Emil de Waal (umboðar tónaskøld)
- Pernille Bévort (umboðar tónaskøld)
- Jens Visby (starvsfólkaumboð)
