Foto: Leiff Josefsen
Ukioq manna Koda Greenland Awards Kulturikkut Illorsuarmi Katuami agguaaneqarput, tassani Ukiumi Nersornaat kiisalu Nersornaammik Nersornaat 2016 agguaanneqarlutik.
Ukiumi Nersornaat 2015 Inununnguaq Petrussenimut (INUK) tunniunneqarpoq, siornalu nersornaatisisumit Katsi Klestimit tunniunneqarluni (asseq takujuk). Nersornaammik Nersornaat 2016 Martin Løvstrømimut maannakku tunniunneqarpoq, rappertartunillu tusaamasanit, Nuuk Possemit, siorna nersornaatisisunit tunniunneqarluni.
Kulturikkut Illorsuarmi Katuami ineeqqami nersornaatisisitsisoqarpoq, unnullu akunniliisartumit naliliinermilu komitémi ilaasortamit Angajo Lennert Sandgreenimit pitsaasumik aqunneqarpoq. Nersornaatisisitsinerit akornanni nipilersoqatigiit TIU erinarsorlutik aliikkusersuipput, pattaanneqaqalutillu. Nersortaatisigassatut innersuunneqartut tunngavilersuutillu naliliinermi komitémit saqqummiunneqarput, nersornaatillu siorna nersornaatisisunit tunniunneqarlutik (Katsi Kleist aamma Nuuk Posse).
Unnuk taanna takkuttut amerlaqaat, issiavissallu tamarmik atorneqarlutik. Nersornaasisitsereernerup kingorna nersortaatisisut nipilersortartullu allat erinarsorlutik nipilersorlutillu aliikkusersuipput.
Koda-p ilaasortanut siunnersortaa, Inunnguaq Petrussen, nersornaatisisitsinermik aaqqissueqataasoq, nersornaatisisinneqartussatullu innersuunneqartoq, ukiumut nersornaatisisinneqarnini tupaallaatigisorujussuuaa: “Ukiumut nersornaatisisinneqarnera tupaallaatigeqaara Ukiumullu Nersornaatisisinneqarnera nuannaarutigalugu”, Inunnguaq Petrussen oqarpoq, nangillunilu: “Suut tamarmik pitsaasumik ingerlapput, nersornaatit kikkunnut tunniunneqartussaanersut isertugaammat nersornaatisisitsinngitsiarnermi ajornartorsiutitaqalaaraluarluni”.
Naliliinermi komitép aaqqussissuunnera nutaaq ingerlalluarpoq. Taakku ilisimasaqartorujussuupput, aammalu tamat oqartussaanerat tunngavigalugu sumulluunniillu atuumassuteqaratik suleqatigiilluarlutik. Nuna tamakkerlugu kattuffinnit tusagassiuutinillu (KNR, AG, Sermitsiaq), EPI-mit Koda-millu ilaasortaaffigineqarpoq, tassani ingerlatsiviit ataasiakkaat sinniisussaminnik toqqaanikuullutik. Sulisoqarfiit ataasiakkaat taakku immikkut tamarmik kimit sinniisuuffigineqassanerlutik aalajangerpaat.
3/11 KNR TV-mi isiginnaarit, tassani nersornaatisisitsineq aallakaatinneqartussaavoq.
