Kodas Kulturelle Midler kiisalu taassuma ataani legatit siullerpaamik ataatsimut katersorneqarput.
Kodas Kulturelle Midler aqqutigalugu tapiissutinut tamanut qinnuteqarfissaq ataasiinnanngorpoq
Nioqqutassiornissamut tapiissutit? Suliaqarnissamut legati? Ilinniarneq? Taalliornermik pikkorissarneq? Kodami ilaasortatut Kodas Kulturelle midler tapiissuteqarfigineqarnissamut qinnuteqarfigisinnaavat. Koda Kultur aqqutigalugu tapiissuteqartarfiit 25t sinnillit portali ataasiinnaq atorlugu maanna qinnuteqarsinnaalerputit.
Nutaatut, Kodap kulturimut tapiissutigisartagai tamarmik ataatsimut katersorneqarput. Tapiissuteqartartut assigiinngitsut portalimi qimerloorsinnaavatit, sorliit ilinnut tulluartuunersut takusinnaallugu, qinnuteqarsinnaallutillu – portali ataasiinnaq atorlugu.
Ukioq manna tikillugu kulturimut tapiissutigisartakkat erinniortut peqatigiiffiini ukunani DJBFA, DPA, DKF kiisalu Musikforlæggerne Kodalu qinnuteqarfigineqarsinnaasarnikuupput. Taamaakkunnaarpoq. Ullumi legatit 25t sinneqartut Koda Kulturip ataani tamarmik portalimi ataatsimi qinnuteqarfigineqarsinnaalerput. Taamaammat leqatit aningaasaateqarfiillu ilinnut naleqquttut tamarmik katersorneqarput.
Legatinut ataasiakkaanut allaffissorneq suli peqatigiiffinnut sisamanut Kodamullu agguataarnikuupput. Taamaammat ataatsimiititaliat qinneqateqaatinik nalilersuisartut suli nipilersornermut attuumassutilinnik ilisimasaqarluartuupput. Legatimut quppernermi takusinnaavat, legati taanna allaffissornikkut kikkunnit isumagineqarnersoq.
Kodamut ilaasortaanngilatit
Legatit ataasiakkaat aamma kattuffinnit inunnillu ataasiakkaanit Kodamut ilaasortaanngikkaluanit qinnuteqarfigineqarsinnaapput. Taakkua nanineqarsinnaapput søgeguiden aqqutigalugu Kodamut ilaasortaannginneq nalunaarutigalugu.
Imatut iliussaatit
Una iserfigiuk www.koda.dk/kodakultur
- Legatit 25t sinnerlugit qinnuteqarfigineqarsinnaapput.
- Sorliit ilinnut tulluarnerunersut nalorniguit, saqqaani ujarlerfissaq ikiorsiugiuk
- Legatit tamaasa takusinnaarusukkukkit, tamaasa allattorsimaffii uani takusinnaavatit
- Allattorsimaffimmiittut ilaat ataasiakkaat toorlugit piumasaqaatit qinnuteqarnissamullu piffissaliunneqartut takuneqarsinnaapput.
Koda Kultur
Kodap isertitami 10 procentii ukiut tamaasa kultutilerinermut tapiissutigisarpai, tassa kulturelle midler. Kodami taakkununnga immikkoortortaq taagorparput Koda Kultur.
Kulturilerinermut tapiissutit nipilersugassiat nutaat pilersinniarnerannut isumassarsiornissamut taperneqarnissamulllu ilaatigut periarfissiipput. Suliaqarnissamut legatit, nioqqutassiornissamut tapiissutit, taalliornermik pikkorissarnernut tapiissutit. ilinniagaqarnissamut tapiissutit, atassuteqaqateqalernissamut suliniutinut tapiissutit nunallu tamat akornanni suleqataanissamut tapiissutit aqqutigalugit, tapiissutit ilaasa nipilersugassiat inerisarnerisigut Kodamut utertisinnaallutik.
