Aðalfundur hjá Koda í 2026: Uppskot um felags stuðulsskrivstovu fall hóast meiriluta

Mikudagin 29. apríl var aðalfundurin hjá Koda í Amager Bio. Av pallinum bað forpersónurin Loui Törnqvist vælkomin og undirstrikaði í røðu sínari, at Koda sum felagskapur er borin av einum sterkum limaveldi.

Við hesum orðum var tónin og karmarnir settir fyri aðalfundinum í 2026.

Frásøgnin hjá forpersóninum: eitt felags stríð ímóti tí stóra AI-stuldrinum

Í frásøgnini fyri 2025 greiddi Loui Törnqvist frá teimum mest týðandi úrslitunum, hendingunum og dagsskráunum í undanfarna árinum. Og júst stríðið fyri at tryggja sterkar karmar og rímiligum gjaldi í einari tíð við alsamt meira trýsti frá AI-tænastum, hevur verið ovast á dagsskránni hjá nevndini, segði Loui Törnqvist.

Við støði í rættarmálinum hjá Koda móti stóru amerikansku tech-fyritøkuni Suno í novembur 2025, gjørdi Loui Törnqvist greitt, at tað er avgerandi, at sømiligir karmar verða tryggjaðir fyri, at fólk kunnu skapa og vinna pening uppá at skapa tónleik.

”Hetta er stuldur á álljósum degi,” segði Loui Törnqvist og helt fram: ”Vit mugu og skulu ikki góðtaka, at stórar altjóða tech-risar súgva bæði pening, mentan og sál úr okkara vinnu. Tí krevst, at vit seta fótin niður fyri einum tech-risa sum Suno. Og at vit fáa politikararnar til at gera tað sama. Ikki tí vit eru ímóti nýggjari tøkni. Tað eru vit ikki. Men tí, vit vilja stríðast fyri, at tøkniliga menningin fer fram á ein ábyrgdarfullan og fíggjarliga burðardyggan hátt, har listafólk fáa eitt rættvíst gjald, tá teirra tónleikur verður brúktur.”

Loui Törnqvist endaði sína frásøgn við at takka øllum Koda-limum fyri teirra stóra stuðul í sambandi við rættarmálið:

Góðkenning av ársroknskpain og gjøgnumskygnisfrágreiðing

Eftir hetta vóru fleiri týðandi mál á dagsskránni, harímillum góðkenning av ársroknskapi og gjøgnumskygnisfrágreiðing, umframt val av limum til nevndina.

Fyrsta mál á dagsskránni, góðkenning av ársroknskapi og gjøgnumskygnisfrágreiðing, var lagt fram av stjóranum í Koda, Gorm Arildsen, ið tók samanum ársins roknskap við orðunum:

Gorm Arildsen greiddi eisini frá, at í alt 32.980 limir fingu útgjald frá Koda í 2025. Ein hækking uppá níggju prosent í mun til undanfarna árið – og meira enn ein tvífalding síðan 2013.

Bæði ársroknskapur og gjøgnumskygnisfrágreiðing vóru góðkend við stórari undirtøku frá fjøldini.

Finn ársroknskapirnar hjá Koda her

Nýggir limir valdir inn í nevndina

Næst á dagsskránni var val til nevndina, har átta valevni vóru til tveir nevndarsessir – ávikavist eitt umboðfyri autorar og umboð fyri forløg. Báðir nevndarlimir skuldu veljast á aðalfundinum. Harumframt vóru tríggir tiltakssessir.

Síggj uppstillaðu valevnini (Á donskum)

Eftir at valevnini hvør sær høvdu grundgivið teirra uppstilling, skuldi atkvøðast. Úrslitið gjørdist, at Andreas Hemmeth varð valdur inn sum umboð fyri autorar, Lasse Lindorff var valdur inn sum forlagslimur, meðan Bjørn Christiansen varð endurvaldur sum autorlimur.

Í nevndini í Koda eru nú hesir níggju limir:

• Loui Törnqvist (forlagsumboð)
• Ole Dreyer (nevndarleiðari hjá Musikforlæggerne)
• Juliana Hodkinson (forkvinna í DKF)
• Lasse Matthiesen (forpersónur í Autor)
• Tobias Stenkjær (forpersónur í DPA)
• Lasse Lindorff (forlagsumboð)
• Bjørn Christiansen (autorumboð)
• Pernille Bévort (autorumboð)
• Andreas Hemmeth (autorumboð)

Uppskot um stuðulsskrivstovu fekk ikki neyðuga meirilutan

Eftir steðgin var ein framløga og kjak um uppskotið um eina nýggja felags stuðulsskrivstovu, ið var sett fram av einum meiriluta í nevndini í Koda.

Loui Törnqvist byrjaði við at leggja fram yvirskipaðu meginlinjurnar í uppskotinum, ið meirilutin í nevndini stóð aftanfyri. Har vóru nógv innlegg í kjakinum, har meiningar og hugburðir vóru førdir fram, áðrenn atkvøðast skuldi um uppskotið.

53 prosent atkvøddi fyri uppskotinum um eina nýggja felags stuðulsskrivstovu, men tað var ikki nóg mikið til at tryggja teir 2/3, ið krevjast fyri broytingum í viðtøkunum hjá Koda, og tí varð uppskotið ikki viðtikið.

Uppskot um avmarking av starvstíð hjá nevndarlimum viðtikið

Næstu málini á dagsskránni snúðu seg um uppskotið hjá nevndini um eina avmarking av starvstíðini hjá nevndarlimum uppá hægst 10 samanhangandi ár. Av tí at talan var um ein viðtøkubroyting, skal uppskotið til atkvøðugreiðslu á eyka aðalfundinum hjá Koda tann 28. mai. Eyka aðalfundurin verður hildin hjá Koda.

Síðani skuldi aðalfundurin taka støðu til fleiri uppskot frá limunum í Koda. Einki uppskot var viðtikið.

Les øll tilmæli og uppskot (Á donskum)

Tá samandrátturin av aðalfundinum er góðkendur av fundarstjóranum, kunnu limirnir í Koda fáa hendan sendan við at seta seg í samband við [email protected]