Nýggj avtala tryggjar donskum tónleikaskaparum gjald á Twitch

Danskir tónleikaskaparar fáa framyvir gjald, tá teirra tónleikur verður brúktur á Twitch. Tað syrgir ein nýggj avtala, sum Koda hevur gjørt við amerikansku stroymingtænastuna.

Twitch er serliga kent fyri livestroyming av spølum, e-sport, talks, events og annað undirhald, har tónleikur er ein partur av innihaldinum. Tænastan byggir á onnur brúkssnið og aðrar inntøkukeldur enn vanliga tónleika- og miðlastroymingtænastur, og avtalan er tí eitt týdningarmikið stig í virkseminum hjá Koda við at tryggja rættindini hjá tónleikaskaparunum í nýggjum talgildum universum.

Vinnuligur stjóri í Koda, Anne Sophie Gersdorff Schrøder, sigur:

“Fyri okkum snýr tað seg grundleggjandi um, at tónleikaskaparar skulu hava gjald, tá teirra tónleikur verður brúktur og skapar virði. Eisini tá tónleikurin gerst ein partur av einum felagsskapi og einari brúkarauppliving, har inntøkurnar skapast á nýggjar hættir. Avtalan við Twitch vísur, at rættindini hjá tónleikaskaparum og nýggjar vinnuligar talgildar tænastur væl kunnu virka saman,” sigur Anne Sophie Gersdorff Schrøder.

Koda tryggjar rættindini hjá tónleikaskaparunum á nýggjum talgildum platformum.

Við avtaluni tekur Koda enn eitt fet inn í creator-fíggjarvirksemið og inn í teir talgildu felagsskapirnar, har tónleikur alsamt meira gerst ein vanligur partur av upplivingini. Avtalan vísur samstundis eisini, at danska rættindaskipanin eisini kann brúkast til talgildar platformir, har innihaldið verður skapt og deilt øðrvísi enn í meira siðbundnum miðlum.

Avtalan merkir, at Koda og Twitch enda ta ósemjuna, sum Koda hevði lagt fyri Ophavsretslicensnævnet. Málið snýddi seg millum annað um treytir fyri tónleikanýtsluni hjá Twitch og um, hvørjar inntøkur skulu takast við, tá viðurlagið til tónleikaskaparar skal setast.

Koda sær nýggju avtaluna sum eitt týðandi úrslit í arbeiðinum við at tryggja tónleikaskaparum gjald á teimum talgildu platformunum, har tónleikur alsamt meira gerst ein fastur partur av innihaldinum, felagsskapunum og nýggjum inntøkukeldum.