Koda aporaaffik nutaamik YouSee-mut isumaqatigiinniarnermeersoq pillugu:
YouSee kisimiilluni aalajangerpoq piginneqqaartussaatitaasullu akunnerminnni Ophavsretslicensnævnip isumaqatigiinniutaasimasumi aalajangingaanut peqataaniarani. Taamaalilluni Folketingip piginneqqaartussatitaanermut aporsaassutaasunut aaqqiiniapallannissaq tunngavilersungaalluartumillu ataatsimiititaliamut pilersinneqarsimasumut YouSee peqataaniarani nalunaarpoq. Tamanna isumaqarpoq piffissaq sivisuumik eqqartuussiviit aqqutigalugit aalajangerniartoqartussanngortoq– ukiut qulit tikillugit sivisussusilimmik. Kodap inatsisilerinermi politikkikkullu suliaqarnermut pisortaq, Nicky Trebbien, YouSee-p pissusilersornera pilluhgu ernummateqarpoq.
“Inuiaqatigiit oqartussaaqataanermi ileqqorissaanermi malitassatsinnut suusupaginninneq.”
- Koda
YouSee-p piginneqartuussatitaasullu akornanni isumaqatigiinngittoqarneq ajorteriaqqippoq. Ukioq kingulleq decembarimi isumaqatigiissutaagallartoq aallaavigalugu isumaqatigiittoqaraluarpoq nipilersukkanik atuinermi massakkut annertussutaasoq aallaavigalugu akiliuteqartoqartarneq ingerlaannarallassasoq, suliap aalajangiisinnaassusillit akornanni suliarineqarnerani. Kisianni marsip 31-anni 2025-mi YouSee nalunaarpoq Ophavsretslicensnævnip suliaanik pillugu peqataajumannaarluni – tassalu TV-pakkini nipilersukkanik atuinermi piginneqqaartussatitaasut qanoq Youseep akilersuisariaqarneranik annertussusissaanut tunngasunik.
YouSee-p peqataajumajunnaarnera suliap ukioq ataatsip sinnerlugu ingerlareersimaleruttortoq nalunaarutigineqarpoq – piffissami tassani paasissutissarpassuit nalunnaarsuinerparujussuillu avissutigineqareernerisa kingorna Ophavsretslicensnævnillu qaqugu aalajangiinissaminut nalilersuinissaanut killiliingajaleruttorneralu qanillisoq. Suliap 2026-mi sioqqullugu aalajangiiffigineqarsinnaanissaa naatsorsuutigineqalersimagaluarpoq.
Koda: YouSee-p pissusilersornera qinikkanut pisinnaatitsiissutigisatsinnut ataqqitsaatsuliorneruvoq
"Ukiut 60-it sinnerlugit – piginneqaartussaatitaaneq pillugit immikkut ilisimasalinnik toqqammaveqartumik Folketingip pilersitaanik immikkut ataatsimiititaliaqartoqarnikuuvoq – tassanilu piginneqqaartuusut saqqummersitanillu atuisut akornanni isumaqatigiinngittoqartillugu aporaassutit tassani qaqilerneqarlutillu aalajangiiffigineqartarsimapput. Ataatsimiititaliap ukiut ingerlanerini aalajangiiffigisarsimasai pingaaruteqarluinnarsimapput, tassaasut Danmarkimi innuttaasunut pitsaassuseqarluartunik tusarnaagassanik isiginnaagassallu aqqutigalugit tusarnaarnissamut tunngavililluarsimasut. Maanna YouSee aalajangerpoq– Naalagaaffiup inatsisilerituuanit aqunneqaraluartoq– ataqqiniarnagut taamaalillunilu Ophavsretslicensnævnip immikkut ilisimasaanik ataqqinninniarunnaarnera, oqartussaaqataanitsinni aaqqissuussaanitsinnut ataqqitsaatsuliorneruvoq. Tamanna ataqqitsaatsuliornerinnaanani oqartussaaqataanitsinni aaqqissuussaanitsinnut siorasaarutaavoq – malitatsinnut allataanngitsut atuuttulli ilanngullugit- piginneqqaartussatitaanermillu isumaqatigiissutigeriaatsitsinnuttunutsineruvoq unioqqutsitsisoq. Taamatut iliuuseqarneq – Danmarkimi TV-kkut isiginnaagassiortartumit annertunerpaamit aallartinneqarmat isumakulunnarnerpaavoq," oqarpoq Koda-mi inatsisilerinermut politikkimullu pisortaq Nicky Trebbien.
YouSee-p Ophavsretslicensnævnipaqqutigalugu isumaqatigiinniarnernuttunutsinera aamma isumaqarpoq pissutsit ilorraap tungaanut aaqqiiniarsinnaaneringaluaq kinguariaateqarmat – tamassuma kingunerisussanngorpaat YouSee eqqartuussivilersuinermi sinaakkutaasoq kisiat aallavigalugu TV-kkut danskinut isiginnaagassiaasunut piginneqqartussaatitaanermut aningaasartuutissaraluaminnut 70%-imik appartillugit akiliisarnissaq. Eqqartuussinermi aalajangiiniarneq ukiut qulit tikillugit sivisussuseqarsinnaasoq, aammalumi EU-domstolimik eqqartuussivilersuineq ilanngunneqariaannaalluni, taamaaliortoqarnissaa YouSee-p siornatigut nalunaarutigereerpaa.
YouSee pillugu paasissutissat:
- Marsi 2024-mi YouSee isumaqatigiissutit tamaasa atorunnaarsippai piginneqqaartussaatitaasunut akilersuisarnermut tunngasut pillugit. Tamatumalu kingorna piumasaqarput akiligassiissutit 70%-imik apparsarnissaat – tassanilu saqqummersitat atorneqartartut allannguuteqanngitsumik ingerlaannassasut kissaatigalugu.
- Ukiaq 2024-mi piginneqqaartussaatitaasut YouSee-lu isumaqatigiissuteqarput sivikitsumik atuuttussamik, suliap aalajangiiffigineqarnissaata tungaanut.
- Marsip 31-ani 2025-mi YouSee nalunaarpoq Ophavsretslicensnævni aqqutigalugu isumaqatigiinninniarnermut peqataajunnaarluni, taarsiullugu eqqartuussivik Danmarkimi Sø- og Handelsretten aqqutigalugu piumasaqaatertik taamaallaat aallaavigalugu aalajangiiniartoqassasoq. Taamaalilluni aalajangiineq sukkasooq aalajangersimasoq taarserneqarpoq suvisungaatsiartumik suliarineqartussamik.
Ophavsretslicensnævnet pillugu paasissutissat
Ophavsretslicensnævnet tassaavoq immikkut ilisimasalinnik piginnaasaqarluarunillu ilaasortaaffilik, Folketingimit pilersinneqarsimasoq – piginneqqaartussaatitaanermik tunngasunutaporaassuteqartoqartillugu suliatigut aalajangiisartut. Nævnip pisortaa Højesteretsdommeriuuvoq – aamma konkurrencenævnimut siulittaasuuvoq. Taakkua saniatigut immikkut ilisimasallit marluk ilaasortaapput.
YouSee aamma piginneqqaartussaatitaasut siusinnerusukkut aamma immikkut aalajangiiffigisassanik suliaqartitsisarsimapput ataatsimiititaliaq aqqutigalugu , tassani aalajangiinerit siornatigut ataqqineqartarsimapput. Aammattaaq suliap aallartinneraniilli siornatigut aalajangiissutaasarsimasut innersuussutigineqartarsimapput – kisianni maannakkut YouSee aalajangerpoq Ophavsretslicensnævnetimi suliaqartitsisarnernut peqataajumajunnaarluni.