Kalaallit Nunaat
Koda
Ilinnut akiliuteqartitsisoqassaaq
Koda sulissutigaa erinniortut, taalliortullu saqqummersitsisarfiillu saqqummersitaannik atuisoqarsimatillugu akiliuteqartiqartarnissaat pillugu. Tamanna pisarpoq assersuutigalugu nipilersukkat radiokkut atorneqaraangata, pisiniarfimmi atorneqaraangasa, imaluunniit nipilersortartut festivalimi live-nik nipilersorneqaraangasa.
Skift sprog: Få informationen på dansk
1935-imiilli Koda Danmarkimi naalagaaffiup akuersissuteqarnera tunngavigalugu erinniortut, taalliortut saqqummersitsisarfiillu nipilersuutit tamanut atorneqarnissaannut akiliuteqartitsisarnissaq isumannaassallugu. Taamani ’Danmarkip Kunngeqarfiata’ iluani Koda tamakkiisumik ammasumik tusarnaartitsisoqartillugu saqqummersitanik akiliisitsiniarnissamik akuersissuteqarfeqarpoq, tassunga ilanngullugit Kalaallit Nunaat Savalimmiullu, taamani namminersorlutik oqartussaqalinngikkallarmalli atuuttumik.
Taamanilu suliassaq pingaarneq atuuppoq kisiannili ullumikkut suliassaq unamminarnerulersimavoq. Suliassatullu ilaalluni nipilersortartuuneq patajaannerusoq, tamatumalu anguniarnerani nunani tamalaani suleqatigiinnerunikkut, teknologiimut aningaasaliinerunikkut, kiisalu nipilersornermik ataqatigiissumik ineriartortitsinissamut sammisaqarnikkut.
Kalaallit Nunaata suli namminerisamik piginnuttussaatitaanermik inatsimmik atuuttoqalersimanngilaq. Kalaallit Nunaannili Danmarkimi piginneqartussaatitaanermut inatsit atuuttussanngortinneqarnikuuvoq kunngip nalunaarutaatigut atuutsinneqartumik (kingullermik nalunaarut nr. 1342, 11. december 2019), taamaattumilli Piginneqaartussaatitaanermut Inatsit Kalaallit Nunaanni aamma atuutsinneqarluni. Kodap Kalaallit Nunaanni suliaqarnera Kalaallit Nunaanni Namminersorlutik Oqartussat Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfiup akuersissutaat tunngavigalugu ingerlanneqartarpoq.
Tamananna aallaavigalugu suna iliuuseqarfigissaviuk?
1. Saqqummersitatit nalunaarsukkit
Akiliunneqarsinnaassaatit aatsaat suliatit Koda-mut nalunaarsorneqarsimasutut allattorsimagukkit. Taamaattumik pingaaruteqarpoq nutaamik saqqummersitsisimaguit nalunaarsornissaat isumannaassallugu, tamannalu pissaaq nipilersuut appinneqalinnginnerani kingusinnerpaamik ullut 14-it sioqqullugit.
Imatut nipilersuusiat nalunaarsussavat2. Tusarnaartitsisimaguit nalunaarutigikkit
Nipilersuutinnik toqqaannaq appisimaassaguit, nammineq nalunaarutigisassavat suna appinneqarsimanersoq Mit Koda-kkut. Koda-ip nammineerluni katersussavaa nipilersuutit radio-mi, tv-kut imaluunniit streamikkut atorneqarsimappat.
Tusarnaartitsinerit nalunaarsoruk3. Akiliutigisimasagut misissukkit
Koda qaammatikkaartumik nipilersuutit atorneqarsimasut tunngavigalugit akiliisarpoq. Taamaattumik pingaaruteqarpoq akiliutitit misissornissaat. Kodamut ilaasortat Koda-mit NCB-millu akiliutitik Kontooversigten aamma Analyse-kkut takusinnaavaat.
Akissarsiavit paasissutissaat ugguuna takusinnaavatitAkiliutigineqartarnerinut piffissarititaasut
- Kalaallit Nunaanni TV-kkut appinneqarsimasut (KNR) - Ukiumut ataasiarluni juuni-mi akiliutigineqartarput.
- Kalaallit Nunaanni radio-kkut (KNR)appinneqarsimasut - Ukiumut marloriarluni akiliutigineqartarput.
- Streaming platform Tusass Music - Ukiumut ataasiarluni akiliutigineqartarput.
Koda awards
1991-miilli erinniortut taalliortullu nersorniarlugit Koda Awards ingerlanneqartarsimavoq (siornatigut Grønlandsprisimik taaneqartarsimasoq)
Siullerpaamik nersornaat 1991-imi tunniunneqarpoq, tassa “Koda-p inuusuttunut kalaallinut eqqumiitsuliortunut nersornaasiutaa”, taannalu tunineqarpoq Ole Kristiansenimut, erinarsortartumut nipilersortartumullu. Taamanili ukiukkaartumik Koda Awards tunniunneqartalerpoq, Kalaallit Nunaanni nipilersornerup malunnartinniarneqarnissaa qiteralugu pisartumik.
Nersornaasiissutaasartut tassaapput:
- Ukiumi Nersornaat – Ukiumi saqqummersitat pitsaanersaannut tunniunneqartartoq
- isumalluarnartumut Nersornaat – Piginnaasalik nutaaliortoq, nipilersortartoq, erinarsuusiortoq imaluunniit nipilersoqatigiit tunniunneqartartoq
- Ataqqinaammik Nersornaat – Nipilersortartuunermi ukiorpanni annertuumik sunniuteqarsimasumut tunniunneqartartoq.
Koda Awards-ip ingerlannissaanut aningaasaliisuuvoq Kodap Kalaallit Nunaanni kulturikkut aningaasaliissutit. Koda-p kulturikkut aningaasaliissutai pillugit annertunerusumik paasisaqarfiginiarukkit ugguuna atuarsinnaavat.
Ukioq manna Koda Awards-mut komité naliliisoraat:
• KNR sinnerlugu Nukannguaq Kajusen
• Katuaq sinnerlugu Birte Olsen
• Nipiia Rockfestival sinnerlugu Peter Kleemann
• Koda sinnerlugu Jorsi Sørensen
Nersornaasiinermut aalajangiisartut tassaapput kattuffinniit tusagassiorfinniillu sinniisussatut toqqakkat. Kingullermillu aalajangiisartuusut tassaasimapput:
Koda Awards 2025
Koda Awards 2025 UjaRock aamma Jim Milne, NIKKU aammalu Hans-Peter Anthonsen ataqinniarneqarput
AtuarukKultureqarnermut aningaasaliissutit aamma Ukiumoortumik nalunaarutit
Kalaallit Nunaanni attaveqarfissaq
Edvard Lyberth-Mørch Telefon: +299 255 101 Mail: [email protected]
Allakkisiguk Edvard Lyberth-Mørch