Foto: Frederik Wolff Teglhus, Laura Lennert Jensen, Daniel Dorsa, Leillah Norah Olsen, Arny Koor Mogensen, Bolt Lamar, Aningaaq Rosing Carlsen, Edvard Skade og Angu Motzfeldt
Koda Awards 2026: Kalaallit nipilersortartut nersorniarpavut
Koda Awards tallimanngornermi 20. februar Katuami ingerlanneqalerpat Nuuk qitiussaaq: unnuk erinniortunik aamma taalliortunik, kalaallit nipilersortarnerannik ilusilersuillutillu nutaaliortunik nersorinniffiusoq.
Nersornaasiineq siullermiilli 1991-mit, Ole Kristiansenip kalaallit inuusuttut nipilersortartut nersornaataannik pissarsineranit, Koda Awards nipilersukkanik pilersitsisunik aqqutissiuisunik saqqumititsisarpoq. Ukioq manna nersornaatit marluk tunniunneqassapput: Ukiumut Nersornaat aamma Isumalluarnartumut nersornaat.
Ukioq manna innersuunneqartut aajuku
Ukiumut Nersornaat 2025
- Aleq – Inuunerma Hiningani – Album
- Tûtu – Qunneq – Album
- SIGU & Míké – Malungivara – Album
- Andachan & Ivaana – Andachan x Ivaana – Album
- Chemnitz – Misileraatit – Album
Isumalluarnartumut Nersornaat 2025
- Athena Lings – Dominant fly – EP
- Aleq – Inuunerma Hiningani – Album
- Mucaaka – Qaaamaninnguara – EP
- Leillah – Unamminerpunga – Single
- Hansinnguaq – Aqagu – Album
Katuami takutitsineq
Koda Awards 2026 Katuami Hans Lyngep inersuani nal. 20.00 ingerlanneqassaaq, matullu 19.00 ammarneqassapput.
Ukioq manna Hans Lyngep inersuanut iserneq akeqanngilaq, tassani inuit 350-t takutitsineq malinnaaffigisinnaavaat. Ulloq taanna matut ammarpata akeqanngitsumik isertoqarsinnaavoq. Malugiuk: Inissat killeqarmata (inuit 350-it).
Unnummi ilisarititsisoq tassaassaaq Dorthea Reimer-Johansen, takutitsinerlu KNR-ikkut toqqaannartumik nal. 19.45-mit aallakaatinneqassaaq.
Innersuussisut
Nersornaasiinermut suleqatigiissitaq ukuninnga inuttaqarpoq:
- Leillah Norah Olsen
- Pauli Wille (KNR)
- Pipaluk Lynge Berthelsen
- Jorsi Sørensen
- Karl Enok Mathiassen
- Nukannguaq Petersen (Katuaq)
Koda Awards pillugu
Koda Awards Kodap Kalaallit Nunaanni kulturikkut aningaasaliisarneranit tunngaveqarpoq, 1991-miilli nipilersukkanik pilersitsisut nipilersoriaatsit assigiinngitsut akimorlugit nersornaasiiffigineqartarput.
Kalaallit Nunaanni kulturikkut aningaasaliissutit aamma siornatigut nersornaaserneqarsimasut pillugit Koda.dk aqqutigalugu paasisaqarit.
Kodap Kalaallit Nunaanni kulturisiornermut aningaasaatai
Kodap Kalaallit Nunaanni aningaasaliissutaasa siunertarivaat erinnat taallallu nutaat saqqummersinneqarsinnaanissaannut tapiisarneq. Taakkulu Kalaallit Nunaannut Kalaallillu pinngorartitsinikkut attuumassuteqartussaapput, Kodap ilaasortaaniit pilersitat.
Kodap kalaallit kultureqarnermut atugassarititaanik qinnuteqarnissamut Kodap malittarisassai