Koda Suno-mut eqqartuussivoq

Danskit piginneqartussaatitaanermut kattuffiat qallunaanni siullersaavoq silassorissuusiortunut eqqartuussivimmut tunniussisoq.

Amerikarmiut silassorissaasiaq atorlugu nipilersuagassiortarfik Suno pisiarigaanni suliakkiussat allallugit (prompt) ikittuinnaat atorlugit nipilersukkat ilisarisimasatsinnut assingusunik nipilersuusiorsinnaavoq ilivitsunik. Taamatut pisinnaanngorsimananera peqquteqarpoq Suno nammineq akuersissuteqaqqaarani imaluunniit atuinissamut akileeqqaarani danskit nipilersugassiaat atorsimagamigit issuarsimallugilluunniit.

Taamatut Koda isumaqarpoq, ilaasortani sinnerlugit piginneqartussaatitaanermut unioqqutinneqarsimanerat pillugu ameerikkarmiut techimi suliffeqarfissuaataanut eqqartuussivimmut tunniussisoq.

Eqqartuussivimmut tunniussinermini ersarissumik uppernarsaatitut ilannguppaat Suno-p silassorissaasiat ilinniartinnerani makku ilaatigut tilliffigisimagai ”Barbie Girl” (Aqua), ”Final Song” (Mø), ”Sleeping My Day Away” (D-A-D), ”Move Your Feet” (Junior Senior) aammalu ”Sunshine Reggae” (Laid Back). Nipilersortartut pineqartut saqqummersitatik atorneqarnissaannut akuersiteqqaarneqaratik imaluunniit atorneqalermata Suno-mit akilerneqarsimanngillat.

Oqaluttuarisaanermi nipilersugassianik tillinneq annerpaaq”

- Gorm Arildsen, Koda-mi pisortaq

Paasisaqarnerugit suliami aammalu takukkit assersuutit nipilersugassianik tillinneqartut (på dansk)

Kodap pisortaanit Gorm Arildsen-ip oqaatigaa eqqartuussivikkoortitsinerup ersersikkaa tunngaviusumik qanoq silassorissaasiaq sullissivinniit atornerlunneqaannarani aamma nipilersortartut piginneqartussaatitaanerinik ataqqittaannerujussuaq takutinneqartoq.

“Silaasorissuliaq periarfissarpassuaqartitsigaluarpoq, aammalu kaammaatuutitut sakkussatsialaagaluarpoq atorluarneqarsinnaasoq. Kisianni periuuserineqarsimasoq

ameerikkarmiut qallunaat nipilersornikkut erlinnartuutaasa ilaannik ammasorsuarmik unioqqutitsillutik silassorissaasiaminnik ilinniartitsivittut atoriarlugu massakkut unammillertitut eqqumiitsuliortunut unammillertitullusooq atorneqaleranera ilungersunarpoq. Tamanna nutaliornerunngilaq - oqaluttuarisaanermiuna tillinneq annerpaaq ingerlanneqartoq. Unioqqutitsineruvoq, danskit nipilersortartut aningaasarsiornerannut siuaranarluinnartoq, inuiattullu kulturikkut kingornussatsinnut innarliisoq”, Gorm Arildsen oqaaseqarpoq.

Eqqartuussivikkoortitsineq naammanngilaq – politikerit iliuuseqartoqaqataasariaqarput

Koda Ifpi-llu suleqatigiillutik nalunaarusiaanni paasisat ilagaat, naatsorsuutigineqartoq silassorissaasiat atorlugit nipilersungassiarineqarsimasut soorlu Suno-tut ittut aqqutigalugit – ukiuni arlaqanngitsut ingerlaneranni danskit nipilersornikkut saqqummersitat aallaavigalugit isertitsissutaasaraluit silassorissaasiat atornerisigut isertitakilliortoqalissasoq. Taamatut ingerlannassappat danskit nipilersornikkut isertitaqarfigisaat 28%imik ikileriarsimasussaavoq 2030mi.

Taamaammat una ajornartorsiut eqqartuussisulersuunnerinnakkut aaqqinneqarsinnaanngilaq. Politikkikkut immikkut iliuuseqarfiusariaqarpoq aamma. Taamatut ersarissaavoq Kodami inatsisitigut politikkikkullu pisortaaneq, Nicky Trebbien.

“Akuersaaruminaakkaluaqaaq sulissorissuussioortunut soorlu Suno-tut ittunut eqqaartuusiivinnut tunniussisariaqalerneq nipilersugassianut saqqummersinneqarsimasunut atuisimanerannut akileeqqusinermik aallaaveqartumut.

Siunissamilu suli eqqumiitsuliortut pitsaalluinnartut saqqummersitsisassappata taava pisariaqartipparput nipilersortartuunerup tamatsaaliorneqarnissaa, tamannalu techimik suliffeqarfissuarnut iluanaarniaannarlutik suliffeqarfiusut algoritmit aqqutigalugit inerisaaneq tunniutiinnarnagu.”, oqarpoq Nikcky Trebbien.

Kodap inatsisilerinikkut politikkikkullu pisortaa politikerinut ersareqqissaartumik oqariartuuteqarpoq.

“Politikkikkut iliuuseqarnissaq pisariaqaleqqavoq, taamaalinikkummi aatsaat silassorissaasiaq atorlugu nipilersuagassiortarfiit akisussaassuseqartumik suleriaaseqalernissaannik isumannaarinninnissaq pillugu. Taamaalisoqassappat taava ersarittunik akisussaassusilimmillu sinaakkusersuisoqartariaqarpoq, eqqumiitsuliortunut naammaginartumik akilersuisoqassaaq. taavalu ersareqqissaartumik inatsisiliortariaqarpoq nipilersugassiat atorlugit silassorissaasianik sungiusaasoqartillugu taavalu sungiusaanerit taakku aallaavigalugit pisiarineqarsinnaasunik atungassiorsimagaanni taava akileeqqaartarnissaq atuinermut akilersuinissaq peqqaartassammat.”, Nicky Trebbien oqaaseqarpoq.

D-A-D-p siuttua: “uagut ilungersorluta pilersitagut pineqarput”

D-A-D-mi siuttua Jesper Binzer, nipilersukkap ”Sleeping My Day Away”-p erinniorluni taalliortua, isumaqarpoq taamatut pisoqarnera annilaarnartoq:

“Teknologiit nutaat ersigisariaqanngilagut, kisianni uani Suno-p ersareqqissaartorsuarmik akuersissuteqaqqaarani nipilersugassiat piginneqartuussaasunit pigineqartut tigusimavaat maskiinaliaminnullu ikkussuussimallugit. Uatsinnullu tunngatillugu saqqummersitarput “Sleeping My Day Away” atorsimallugu. Uagut nammineq immikkut nipilersuusiaq piginnaasarlu ilungersorluta pilersitarput maskiinaminnut Suno-kkut ikkussimavaat akuersiteqqaarata” oqarpoq Jesper Binzer.

Kingullermik aningaasaliisussarsiornermi Suno 500 mio. dollarsinik nalilerneqarpoq, 3,18 milliard danskit kruuniusut. Suliffeqarfissuaq, Koda malillugu unioqqutitsisumik piginneqartuussatitaanermut illersungaasit atorlugit pilersitaq.