Foto: Maria Louise Reichardt
Kodap ataatsimeersuarnerata kingorna: Loui Törnqvist siulittaasutut ingerlaqqippoq
Koda-p siulersuisut inissititernerisa kingorna Loui Törnqvist siulittaasutut ingerlaqqippoq. Tobias Stenkjær siulittaasup tulliatut siullertut ingerlaqqippoq, Bjørn Christiansen-ili siulittaasup tulliata aappaatut nutaatut qinerneqarpoq.
Maajip 8-ani sisamanngornermi Koda-p siulersuisui inissititernissaannut siulittaasumut qinerseqqittoqarnerani Loui Törnqvist siulittaasutut ingerlaqqippoq. Siulersuisuni ukiuni sisamani ilaasortaareersimavoq, 2023-millu aallartillugu siulittaasunngorsimalluni. Massakkut siulittaasutut aappassaa ingerlaqqippoq.
Koda-p kingullermik ataatsimeersuarnerani Loui Törnqvist erseqqissaavoq unammilligassat nipilersornermi suliffeqarfiit aqqusaagaat — soorlu AI suliffeqarfinnit tech-gigantinillu sakkortusisumillu tatisimaneqarnera, suiaassutsip iluani naligiinnginneq, kiisalu nipilersuusiortut sulinerminni atugaat — ataatsimoorussamik aaqqinneqartariaqartut.
"Siulersuisunit tatigineqarnera nuannaarutigeqaara, aammalu sulinitsinnik ingerlaqqinnissara qilanaaraara – anguniarlugu nipilersornerup sinaakkutai pitsaanerusut, aammalu nipilersortartunut akissarsiaqarnerup patajaattumik ineriartornissaa anguniarlugu.”
- Loui Törnqvist
“2024-mi paasinarsivoq nipilersornermi nukittooq namminerisamik pilersinneqarsinnaanngitsoq. Ullumikkut piviusut attatiinnarnissaalluunniit attatiinnarniarlugu sulingaatsiarnissamik piumasaqaatitaqarpoq. Allannguutit pilersinneqarsinnaapput aatsaat akisussaaffimmik tigusilluni suleqatigiillunilu – inuussutissarsiortut, kulturilerisut, politikerit aammalu inuussutissarsiuteqartut suleqatigalugit,” Loui oqarpoq.
Anersaakkut nukittorsaaneq – piffimmi eqqissiviilliorfiusup pileruttornerani
Loui Törnqvistip Koda-p suliniutaa "Koda – nipilersornermik nukittorsaaneq" tunngavigalugu oqariartuuteqarpoq, nipilersornerup inuiaqatigiinni kulturilerinerullu iluani pingaaruteqarluinnarneranik – piffimmi eqqiissivilliornerup pileruttorfiani.
"Koda-mi ullut tamaasa nipilersortartuuneq nukittooq ineriartortinneqarnissaa sulissutigiuarpaa- tamanna periusiami qulequtaannaatinnagu piviusunngortinniartuangassaq. Kisianni tassaanerulluni tunuliaqutaasoq sunulluunniit suliniutinut tunngaviusoq. Ilumut allannguerusussuseqarnermi akisussaaffiuvoq aammalu tamanna ajornaraluarpat. Upperaarput nipilersorneq inuiaqatigiinni inooqatigiinnilu immikkut pingaaruteqartuusoq. Nipilersorneq eqqaasittarpaatigut inuunerup annertunerujussuanik.Aamma ulluni oqimaattorsiorfitsinni oqariartorfigaluta, qaamaneqarmat ulluni taartorsiorfitsinni ” oqarpoq Törnqvist.
Koda-p siulersuisui
Siulittaasussanik inissiineq kingorna Koda-p siulersuisui ima isikkoqarput:
- Loui Törnqvist (siulittaasoq, saqqummersitsisartunit sinniisoq)
- Tobias Stenkjær (siulittaasup tullia siulleq, DPA-mi siulittaasoq)
- Bjørn Christiansen (siulittaasup tullia aappaat, autorinut sinniisoq)
- Anne Eltard (siulersuisuni ilaasortaq, Autorit siulittaasuatut Lasse Matthiessenip sulinngiffeqarnerani – maj-miit septemberip qeqqata tungaanut)
- Emil de Waal (siulersuisuni ilaasortaq, autorinut sinniisoq)
- Juliana Hodkinson (siulersuisuni ilaasortaq, DKF-mi siulittaasoq)
- Ole Dreyer (siulersuisuni ilaasortaq, Musikforlæggerne-p siulersuisuini siulittaasoq)
- Pernille Bévort (siulersuisuni ilaasortaq, autorinut sinniisoq)
- Søren Winding (siulersuisuni ilaasortaq, saqqummersitsisartunit sinniisoq)
- Christian Schlelein (sulisunut sinniisoq, Peter Binaup sulinngiffeqarnerata nalaani februaarimiit maajimut)
Sinniisut:
- Nana Jacobi
- Sara Nigard
- Lasse Lindorff
Törnqvistip 2024-mut nalunaarusiani naggaserlugu ilaasortanut tamanut immikkut qujassuteqarpoq:
"Nipilersuusiassinnut tamanut qujanaq. Aammalu peqataalluarnersi pillugu qujanaq. Sulilluarnerput ingerlaqqitsigu – ataatsimoorluta – taamaalillutalu nipilersorneq aamma siunissami aningaasatigut kulturikkullu nukittooq ingerlateqqikkumallugu.”
Koda-p ataatsimeersuarnerani Loui Törnqvist siulersuisunut ilaasortatut ingerlaqqippoq unammillertaqarnani. Ulluinnarni Loui Törnqvist Wilhelm Hansen Musikforlag-imi pisortatut atorfeqarpoq
Siulittaasup tulliatut ingerlaqqinneq – nutaanillu toqqaanerit
Ataatsimeersuarnerup ingerlanerani Tobias Stenkjær siulittaasup tulliatut siullertut ingerlaqqippoq, Bjørn Christiansen-ili siulittaasup tulliatut aappaatut nutaatut toqqarneqarpoq, Emil de Waal tunuarnerata kingorna.
"Emilip suleqatigilluarnera assut nuannaarutigeqaara – inuiaqatigiinni ilisimasanik assigiinngitsunik peqataatitsilluartoq: erinniortutut, nipilersortartututcaammalu inatsisilerituulluni itisilikkamik piginneqaartussatitaanermik immikkut ilisimasalik. Suleqatigiinnitsinnut qujanaq. Aammalu nuannaarutigeqaara Bjørn suleqatigissallugu – erinniorttutut aammalu nipilersukkanik saqqummersitsisartutut misilittagaqarpoq. Tamatuma saniatigut aamma Statens Kunstfond-imiit misilittagaqarpoq,” oqarpoq Loui Törnqvist.
[Paasisaqarnerorusukkuit, atuaruk: Loui Törnqvistip nalunaarusiaa Koda-p ukiumoortumik nalunaarusiani 2024-mi atuaruk.]