Koda Awards 2025 UjaRock aamma Jim Milne, NIKKU aammalu Hans-Peter Anthonsen ataqinniarneqarput

Katuap inersuaani isiginnaartut uummarissaasorilluarlugit Koda Awards ukioq manna ingerlanneqarnera naammassineqarpoq. Ukioq manna aqutsisuusup Paaliit Mølgaard Rasmussenip nuanneqisumik isiginnaartut malinnaatillugit unnuk innersuussat saqqummiussimasaannik imaqarluartukkut ingerlappaatigut, nersornaatisisut sisamariaq suaarutigineqaqattaarfianni.

Ukiumut Nersornaat 2024

UjaRock saqqummersitani Illerngit Aqqutivut Ukiumut Nersornaserneqaatigaat

UjaRock saqqummersitani Illerngit Aqqutivut Ukiumut Nersornaserneqaatigaat

Nipilersukkat Erseqqissumik Oqaluttuartut UjaRock saqqummersitseqqaarnerminni nunatsinni nipilersornerup silarsuaani ersareqqissaartumik maluginiagassamik tiguartinnaannaratik suliarilluakkamik saqqummersitsipput. Taallat erinnanik tulluartunik ingiorteqartitaasut eqqarsalersitsipput nipilersuullu tusarnaangaq ataatsimoorullugu tusarnaarneranerani tarrarsuutitullusooq misigititsivoq tusarnaartutut nammineq misigisimasarisinnaasat seqersillugit. Taallat ersarissut itisuumik attuipput inuiaqatigiittut naalaattagarisimasatsinnut nalileeqqusisutut oqariartuuteqartut. Nipilersuusiat asssilersuipput misissutsinillu qalluillutik ilaatigut tusarnaartut qisuariartitsisinnaasumik: "Imaallaammi kisima taama misiginikuunanga paasivara". Erinnat taallanut tunuliaqutsiilluartut tamakkiisumik misissutsinut tiguaasitsisinnaanertik takutippaat, taamaalilluni ataatsimut saqqummersitap tusarnaareernerani nuannersumik sakkortusaaqataasuullutik.

UjaRock-ip nuuteeqqami saqqummersitseqqaarnerminni ersarissumik nunatsinni pissutsinik kinaassutsitsinnillu aallaavigisatta ilaanik oqariartuuteqarpoq tiguartinnartumik. Nuuteeraq ataqatigiissarluangaavoq erinnat taallallu assigiinngiiaartut suliarilluakkat ersersitsivoq sulaiqartut kinaassutsiminni piviusorsiortumik aallaavigisaannik, nipilersoriaatsip immikkuullarissut aallavigalugit tunuliaqqusersungaasunik.

UjaRock nersornaaserneqarlutillu statuettennapput aammalu 25.0000kr.

Ataqqinaammik Nersornaat 2024

Naliliisut isumaqatigiillutik 2024mi Ataqqqinaammik Nersornaaserumasimavaat Jim Milne, ilaatigut ima oqaasertalerlugu:

Ataqqinaammik Nersornaaserneqartoq pillugu oqaaseqaat Ukioq manna Ataqqinaammi Nersornaaserneqartup ukiorpassuarni nunatta nipilersornermut nipilersornermilu kulturip ineriartortitseqataa3igilluarsimavaa, tamannalu pimoorullugu tunniusimalluartumillu ingerlassimallugu. 1970-ikkut naalerneranni Nuummi najugaqalermatali suliai pingaaruteqarluinnartumik kinguneqarsimapput. Inuusuttunik nipilersornermik ilinniartitseriaatsimigut, kalaallit erinarsuutaannik nuutilersorlugit atuakkanik saqqummersitsinermigut kiisalu jazzimik tusarnaartitsisarnermigut inuiaqatigiinnut nipilersornerup pingaaruteqassusaanut oqariartuutigiinnarnagu inerisaaqataallunilu sunniuteqaqataalluarsimavoq. Tunniusimalluni nutaaliorusussuseqarlunilu nipilersornermik aallussisut tapersersorlugit ingerlatsisimanera nunatsinni nipilersorneq pillugu annertuumik sunniuteqaqataa3igisimavaa. Ataqqinaammik Nersornaaserneqartussap suliaasa nunatta kulturikkut kingornutassaanut tunniussai ukiorpassuarni eqqaamaneqartuarlutillu pingaarutilimmik sunniuteqartuartussaapput. Taamaalilluni aqqutissiuisuuvoq, nipilersortartoq eqqumiitsuliortoq pingaarutilik.

Jim Milne Ataqqinaammik Nersornaasinermi avataatigut statuttesitinneqarpoq aamma 25.000kr.

Tusass Music Sunniuteqarluartoq:

Siullerpaamik Tusass Musik Award - Sunniuteqarluartoq, Koda Awards-ip ilaatut tunniunneqarpoq.

Siullerpaamik Tusass Musik Award - Sunniuteqarluartoq, Koda Awards-ertoqarnerani tunniunneqarpoq.

Nersornaammut tassunga nersornaaserneqartoq Tusass Musicimit aalajangersarneqarsimasut tunngavigalugit toqqarneqarpoq, ukioq mannalu aallaavigineqarput suleqatigiinnerit nipilersortartuunermut annertuumik sunniuteqarsimasut pillugit. Tusass Musik Award - Sunniuteqarluartoq Hans Peter Anthonsenimut tunniunneqarpoq, Kalaallit Nunaata nipilersornikkut kulturikkut kingornussassaanut piginnaaneqarluarluni suliniuteqarnera pillugu. Nersornaaserneqartoq pillugu Tusass Music ima oqarpoq:

'Hans Peter ukioq manna nersornaaserneqartussatut toqqarneqarpoq, aamma siullerpaamik Tusass Music Award-imik - Sunniuteqarluartoq nersornaaserneqarpoq, nipilersornermik suliaqarnermut annertuumik tunniusimalluinnarnera pillugu, Pukuut nipilersorqatiminut piinnarnagit, kisianni aamma nipilersortartut allat suleqatigisarnerannut. Taamaalilluni nipilersortartunik amerlasuunik suleqateqarsimavoq, mixerisutut, immiussisutut, immiusseqataasutut immiussisup immiusseqatigiilluunniit atii allat ataanni taamaanilluni inuppassuarnit suleqatigineqarumalluni saaffigineqartartuulluni.

Suleqatiginninnerit nammineq inuttut aamma suliffiup nalinginnaasup avataani ingerlattarpai, tamannalu kalaallit nipilersortartuunerannut tunniusimalluinnarneranik ersersiutaavoq. Hans Peterp kalaallit nipilersortartuunerannut pitsaaqisumik sunniuteqartuarnerata apeqqusingassaanngitsumik nersorneqarnissaanut innersuunnissaa naggataatigullu nersornaaserneqartussatut tulluaqqinnaartinneqarsimavoq.'

KNR Musikvideonut taaneqartup NIKKU Tarrileravit immiussaata ajungaanera

Ukioq manna Ukiut Nersornaammut Ataqqinaammillu Nersornaammut naliliisinneqartut

Naliliisut ukuusimapput:

Koda sinnerlugu: Jorsi Sørensen, KNR sinnerlugu: Pauli Wille, Nipiaa Rockfestival sinnerlugu: Peter Kleemann taavalu Katuaq sinnerlugu Birte Olsen.