Siunissamut piareersimaneq: Koda nutaamik isikkulersornera nittartagarlu nutaaq saqqummiuppai
Koda nutaamik isikkoqalerpoq piffimmut naleqqussakkamik tikilluaqquserpalaarnerusumillu isikkulerlugu. Isikkulersuut nutaaq Kodap ammasuunissaminut suliniutaanut tapertaavoq kiisalu nipilersortartutut inuuniarnerup patajaannerulernissaanut ersarissaaqataassalluni. Taamatuttaaq nittartagaq nutaaq nutaaliaasumik, siunissamut naleqqussakkamik, atuisunullu iluaqutaasumik aaqqissuussaavoq.
Kodap isikkulersorneqarnera allanngorpoq, ileqqutoqqat nutarterinermillu ataqatigiissillugit nutaaliortumik, ineriartortumik isikkulersorneqarluni. Allanngortitsineq ilisarnaasiap nutaamik ilusilersorneranik imaqarluni oqaluttuarerusutaq annertusarpaa, tamannalu Kodap periusissiaanut nutaaliaasumik, akisussaassusilimmik naleqartitanullu tunngavilimmik aaqqissuussamik ersersitsissalluni. Kodap nutaaliortumik atuisunut naleqquttumik nipilersortartuunermilu atugarissaarnerup pitsaasuunissaanik sulissuteqarnera ersersinneqassaaq.
Tamassumunnga ilutigitillugu, nittartagaq nutaaq atulersinneqarpoq, nutaamik ilusilersugaq digitaliusumillu atuisunut naleqquttumik aaqqissuussamik, ilaasortanut, sullitanut suleqatigisartakkanullu paasissutissanik ujartuinissamut periarfissarissaarnerusumik.
Tulluusimaarutigalugu saqqummiupparput isikkulersuut nutaaq, taanna ersarinnerusumik takussutissaqalersitsivoq, taamaalillunilu ilaasortatsinnut sullitatsinnullu nittartakkatsinni paasiniaarnissamut ajornannginnerulersitsilluni.”
- Kodap pisortaata, Gorm Arildsen
Matoqqasumit oqaloqatigiinnerunissamut
Kodap isikkulersuutaa nutaaq ilusilersortitsisarfimmik Hey Jack Studio-mik suleqateqarnikkut ineriartortinneqarpoq. Isikkulersuut nutaaq nutarterneqarpoq, ilisarnaasiami nipi qiteqqutaasumik ilusilersukkat siuliani atuuttut ilisarnartillugit, kisianni iluserinnerusumik nutaaliaanerusumillu isikkulerlugit. Tamanna isumaqarpoq isertumut misigisaq uummaarinnerusoq peqataatitsinerusoq angunialugu – tamannalu ilutigalugu Kodap ilisarnaataa patajaatsoq atuutsiinnarlugu.
Isikkulersuutip nutarterneqarnerani pingaarnerit ilagaat Kodap pilersaarutaa, matoqqasumik ingerlatseriaatsimit oqaloqatigiinnerunermut ikaarsaarusussuseqarneq.
Tamanna ilisarnaasiap nutaaliap iluserisaanik takuneqarsinnaavoq, taannalu oqaluttuarnertut isikkoqalersillugu ammasumik oqaloqatigiinnissamut kaammattuisuusoq. Nipip qiteqqutaasup atorneqarnera nutarterneqarpoq, tamannalu Kodap ammasuunissaanik takutitsivoq, isikkulersuullu nutaap iluani nipit ingerlaarnikutut pulasartumik isikkoqalersillugit, tamatumuunalu inuiaqatigiinni nipilersortartutut kulturikkullu suliniutinut sunniuteqarneq takutillugit.
Nittartagaq nutaaq ineriartortinneqarpoq suleqatigalugit Adapt Novataris-ilu, atuisunut naleqqussarlugu ineriartortitsinissaq qulakkeerniarlugu. Atuisut pisariaqartitaat sammineqarnerpaapput, tamannalu atuisunik misissuinerit sukkulluunniit pissarsiarineqarsinnaasut tunngavigalugit ingerlanneqarpoq.
Kodap pisortaa: "Teknologimut naleqqussakkanik ineriartortitsineq"
Kodap pisortaata, Gorm Arildsen, oqaatigaa nutaamik isikkulersorneq nittartagartaanilu atulersitsineq Koda nutaaliaasumik siunissamullu naleqqussakkamik ineriartortitsinermut alloriarnerujussuusoq.
"Tulluusimaarutigalugu saqqummiupparput isikkulersuut nutaaq, taanna ersarinnerusumik takussutissaqalersitsivoq, taamaalillunilu ilaasortatsinnut sullitatsinnullu nittartakkatsinni paasiniaarnissamut ajornannginnerulersitsilluni. Nutaamik isikkulersuuteqarnikkut oqaluttuarisaaneq ataqqillugu ineriartortitsineq qulakkeersinnaavarput, ilutsinut, teknologiimut atuisunullu naleqquttunik ineriartortitsinermik takutitsisumik."
Taassuma erseqqissarpaa nutaamik isikkulersuutinik saqqummiussineq suliffeqarfiup ineriartornissaanik pilersaarutaannut ilaammat, Kodallu ammasumik atuisunullu naleqquttumik takutitsiniaaneranut ilanngullugu.
"Koda-p atuisunut digitaliusumik periarfissanik pitsaanerpaanik neqeroornissaq siunertaraa. Taamaattumik nittartakkami misissuerusuttunit paasiuminartumik aaqqissuukkusullugu allanngortipparput, taamaalilluni ilaasortat sullitatullu paasissutissat pisariaqartitat sukkanerpaamik nassaarisinnaaniassammassuk. Digitalimut nutarterineq tamanna atortorissaarnerit amerlanerulersissavai, atuisunut periarfissarissaarnerulersitsinermik sunniuteqarluni, kiisalu siunissamut naleqqussakkamik nutaaliorfigineqarsinnaasunik periarfissanik pilersitsilluni."
Nittartagaq siunissamut piareersimasoq
Isikkulersuutip nutaap nittartagartaallu atulersinnerisigut Kodap isikkulersuutaa nittartagartaalu siunissamut naleqqussakkat isumannaarlugit, tamannalu ukiuni tulliuttuni pitsanngorsarneqartuassaaq. Atuisut pisariaqartitaat allanngorarpata, nittartagaq aamma naleqqussarneqartuassaaq imarisassaanik nutaajunerusunik kiisalu periarfissanik nutaanik atulersitsinikkut. Tamanna isumaqarpoq atuisut piffissap ilaanni nittartakkap pisoqaanertaannit nutaartaannut ikaarsaartinneqassasut, nutaaliornerit immikkoortortallu naleqqussarneqartillugit. Ilaatigut ilaasortanut "Mit Koda"-mi atortut, sullitanut "Min side"-mi aammalu pisiniartunut "Køb musiklicens"-imi immikkoortut taakku sunnerneqassapput.
Kodami qilanaarutigaarput nittartakkami pitsanngorsaatit nutaat saqqummiutissallugit, atuisunullu nutaamik periarfissat atuutileraangata nalunaaruteqartarumaarpugut.
Paasissutissanik pitsaanerpaanik neqeroornissaq anguniarlugu siunnersuutissaqaruit apeqqutissaqaruilluunniit attavigisinnaavatsigut. Suleqatigiissutigalugu atuisut digitalimik misigisaqartarnerat pitsaanerulersissavarput.